halló halló halló

Sælt veri fólkið.

Ég veit að ég er ekkert búin að láta í mér heyra í langan tíma... og ég biðst afsökunar á því, en það er bara búið að vera alveg brjálað að gera hjá mér. Eftir að ég var lasin, var ég komin alveg rosalega langt á eftir í öllu í skólanum og er búin að vera á fullu við að vinna það allt upp. Ég er loksins komin á réttan kjöl aftur og ég tók próf í morgun sem ég fékk 8,5 í, þannig að það verður víst að teljast ágætt.

Það sem er helst að frétta af mér er samt að ég fór á geðveika tónleika um daginn, með Gnarls Barkley og Red Hot Chili Peppers!! Ójá, á SÖMU tónleikunum.. magnað alveg hreint! Eins og þið getið ímyndað ykkur, þá voru þetta æðislegir tónleikar og virði hverrar krónu. Ljósasjóvið hjá Chilipiprunum var ótrúlegt.. það rosalegasta sem ég hef séð. Ég ætla að reyna að hlaða inn myndbandi sem gefur ágætis hugmynd um þetta.. vona að það gangi upp. Og að sjá Cee-lo Green og DJ Danger Mouse taka Smiley faces og Crazy.... óborganlegt!!!!!;)

Akkúrat núna er ég samt að passa og Emil Örn þessi elska var svo vinsamlegur að sofna án átaka, kúrði sig bara upp í hálsakot á mér og lá þar og dundaði sér við að fikta í hálsmeninu mínu í svona hálftíma og steinsofnaði svo og rumskaði ekki þegar ég lagði hann í rúmið. Þetta hefur aldrei gengið svona vel.. ætli hann sé ekki bara svona úrvinda eftir daginn á leikskólanum. Ég er því baraað horfa á sjónvarpið á E! True Hollywood Story um Lionel og Nicole Richie. Voða áhugavert eða þannig.

Síðasti þátturinn sem ég horfði á var My Super Sweet Sixteen á MTV sem er klikkaður raunveruleikaþáttur um brjálæðislega ríka krakka hérna í Ameríku sem halda upp á 16 ára afmælin sín með meiri stæl heldur enJóhannes í Bónus heldur upp á sextugsafmælið... úff... þau fá öll Lexusa og BMW-a í afmælisgjöf og fá geðveikar hljómsveitir til að spila og dansara og mæta á svæðið í þyrlum og læti!! Þetta er eiginlega of fáránlegt til að vera hlægilegt...

Annars vil ég bara taka það fram að það er bara mánuður þangað til að ég hitti hana Evu mína í New York baby!! JEIJJJ!!! Við ætlum sko að mála borgina rauða! Taka sex and the city túrinn og taka svo chinatown með trompi!!:) Svo helgina eftir það, þá ætlar Eva að koma til mín í Chicago og ég ætla að sýna henni what it´s all about!!!;) OHHHHHH ég hlakka svo til! Fæ fiðrildafiðring í magann bara við tilhugsunina!!! JEIJ!!

En jæja, ég ætla að reyna að læra aðeins heima...

Eigiði yndislegan dag...

Knús og kossar
Gunnsa